三年前嘅5.20，名模Mandy Lieu喺英國為澳門賭業猛人周焯華（洗米華）誕下女兒，噚日中午約十二時半，周焯華從英國倫敦飛抵香港，以一貫黑色衣著裝束襯白Tee，孭上黑背囊獨自步出禁區，全程低頭不停睇電話。洗米華與Mandy嘅女兒喺三年前嘅520出世，而洗米華就於30日生日，可以一齊慶祝。
上年聖誕假期，洗米華同Mandy去咗馬爾代夫，唔知生日有咩行程呢？（資料圖片）
係米嫂細女周羨潼同洗米華一樣都係5月30號生日，睇嚟成個5月行程相當緊凑！
當記者上前打招呼時，洗米華望咗一眼便放慢腳步俾記者影相，問到此行係咪去完倫敦跟Mandy Lieu預早為囡囡慶祝生日？佢笑一笑冇回答，貫徹其沉默嘅作風！再問到近日有傳有賭客借其公司集團及其名義集資，洗米華都未有回應。
下星期三（30日）就係洗米華生日，問到仔女有冇安排慶祝活動？洗米華同樣未有答覆，最後臨步出機場大樓前，佢向記者說聲「唔該晒。」哇，今次難得洗米華開金口！
然後往停車埸登車離開。
今日抵港心情輕鬆，保持一貫沉默作風。
(APPLE DAILY)
