湯怡噚晚中環出席電影《某日某月》嘅特別場， 導演劉偉恒搵咗一班90年代歌手出席，包括黃翊、何婉盈、黃寶欣、黎明詩、文佩玲、黃和興(前樂隊ZEN成員)、洪楗華、袁志偉、鄭梓浩等。
今年係湯怡同洪卓立拍拖十周年，今年30歲嘅湯怡話唔心急結婚：「覺得o依家先係我黃金時間，唔到35歲都唔會諗結婚，愛情唔係第一位，事業家庭行先。」
洪卓立聽到咪好傷心，湯怡就話：「唔會，我哋有共識，大家做嘢先，我反而好懷念90年代愛情，當其時冇WhatsApp、冇視像，只係靠電話維繫 ，反而o依家見到電話響有一種恐懼感。」
(蘋果日報)
