移居美國多年嘅佢接受訪問時話，計劃今年內回流返港，佢話：「因為媽媽年紀大 ，當年爸爸走嘅時候我喺美國傾緊生意行唔開，我記得爸爸走得好辛苦，臨走前仲一路等我返嚟，因為咁自己都好難過，個心好唔舒服，o依家見到媽媽年紀大，唔想自己有遺憾，所以計劃要返嚟。」
資深電視人蔡和平推出新書《開拓巨星舞台 蔡和平黃金50年》，昨日喺中環舉行發佈會，獲得唔少圈中好友現身支持，包括久未露面嘅第一屆香港小姐冠軍孫泳恩、羅蘭、陳欣健、林建明、吳雨、陶傑等。
移居美國多年嘅孫泳恩接受訪問時話，計劃今年內回流返港，佢話：「因為媽媽年紀大 ，當年爸爸走嘅時候我喺美國傾緊生意行唔開，我記得爸爸走得好辛苦，臨走前仲一路等我返嚟，因為咁自己都好難過，個心好唔舒服，o依家見到媽媽年紀大，唔想自己有遺憾，所以計劃要返嚟。」
孫泳恩話媽媽今年已經八十幾歲，早前分別接受過兩次手術，加上之前又唔小心跌倒，所以更需要佢在身邊照顧。除咗陪媽媽外，孫泳恩表示自己好多朋友都喺香港，本來計劃喺香港買屋長住，但見到o依家香港樓價太貴：「真係後悔當年賣咗香港啲樓，o依家我淨係夠錢住車位咋，好彩多好朋友都很關照我。」
佢話到時會同媽媽住喺中山，因為媽媽喺當地有樓。而出書嘅蔡和平就表示：「今次本書籌備咗半年，入面有好多舊相，講番喺電視圈50年嚟嘅點。」 書中亦附有QR Code，可以畀讀者喺網上睇到VR圖片，同時又可以開放留言板，等佢親自回覆。佢話：「希望多啲年青一代知道以前無綫EYT嘅事，而我哋老一輩就睇嚟懷念吓以前。」
(蘋果日報)
