近年Sonija主力照顧家庭，問到呢樣嘢，佢就話：「就好似生果輸畀架巴士咁，兩樣嘢都冇得比㗎嘛！」
郭羨妮（Sonija）、楊思琦同譚玉瑛等今日出席港台舉行《香港電台電視節目頒獎禮》，Sonija有份演出嘅《獅子山下2017》獲獎，劇中佢同曾航生演夫妻，劇情講述老公婚後轉性向，郭羨妮話：「我有諗過如果現實中，我都寧願佢咁，好過係第三者。」
問可擔心現實生活遇上同樣情況？她笑言：「佢冇啦，我老公（朱少杰）諗都唔好諗呀！我拎到個劇本都有同佢講個角色幾得意，問佢如果真係嘅話會點，不過佢都冇乜意見畀到。我都係用女性嘅角度去睇，相比起真係出軌應該係冇咁嬲，就好似生果輸畀架巴士咁，兩樣嘢都冇得比㗎嘛！」
Sonija直言有戲癮：「想做啲從未做過有挑戰性嘅角色，依家等緊篩選好劇本。囡囡開始大，我希望我有番啲事業，覺得自己仲可以有啲好作品畀大家睇。」
(蘋果日報/on.cc東網)
