不過兩人最近被傳疑已離婚。呢日，女方傳出新戀情，被影到與一名體形高大嘅男伴深夜睇戲，而佢由戲院行出嚟時更忍唔住親密翹住男方手臂。之後兩人轉場去酒吧消遣，離開酒吧後過馬路時更拖埋手，態度親暱！其後，兩人登上座駕一齊離開。
據知呢名男子係一個小提琴家，有網友仲爆料指佢個名叫陳秋蒔，與張靚穎、馮軻相識已多年之餘，更曾喺兩人婚禮上擔任伴郎，亦多次喺張靚穎演唱會上助陣。
2015年，張靚穎喺北京演唱會時發生舞台事故，陳秋蒔亦曾與馮軻一齊陪張靚穎到醫院，而馮軻當時都有發微博以示謝意。
自從離婚消息爆出後，張靚穎與馮軻都未曾正面回應過傳聞。
(on.cc東網)
