去年底被爆蜜運，同型男拍檔發展戀情，兩人感情穩定，早前已被媒體爆料展開半同居關係，有傳媒今日更爆兩人最快會於下月註冊結婚。據報道指兩人今年春天認定彼此係共度一生嘅伴侶，並計劃於6月結婚，估計兩人可能會選於男方30歲生日當天入紙。。。
現年28歲嘅桐谷美玲與29歲嘅三浦翔平於前年合作《我有喜歡的人》撻着，據報道指兩人今年春天認定彼此係共度一生嘅伴侶，並計劃於6月結婚，佢哋已向雙方家長同事務所報告將要結婚，估計兩人可能會選於三浦翔平下月3日嘅30歲生日當天入紙，亦可能等到男方待拍完劇集後，於6月下旬先至註冊。
桐谷美玲曾講過想30歲結婚，現時佢踏入今年工作量明顯減少，早已有傳佢只想談戀愛無心工作，更唔止一次傳出婚訊，有指其事務所擔心桐谷美玲會步師姐堀北真希後塵，結婚後無心戀戰。對於今次婚訊傳聞，雙方事務所都即時作出否認。
（蘋果日報）
