佢哋去咗沖繩一間白色教堂再行禮，仍係新婚燕佢爾嘅佢哋感覺浪漫，當然有過一次註冊經驗，今次新郎就冇再「蝦碌」，全程仲好順利。兩人訂於今年7月補擺婚宴。行完禮，教堂仲安排佢哋食咗豐富金箔午宴，又送咗佢哋金箔蛋糕。。。
「啤梨」葉文輝去年同女友Michelle註冊結婚，兩人訂於今年7月補擺婚宴，佢哋日前出發沖繩再影結婚相，由於沖繩早前爆出麻疹疫情，佢哋都有事前打好防疫針才起程。
啤梨今日接受《蘋果》電話訪問時話：「呢次去咗全沖繩最高嘅教堂Lazor Garden Chapel行禮，個度環境好靚好夢幻。覺得我哋好似童話中嘅王子同公主，好多人服侍我哋。」啤梨老婆Michelle着咗一條拖尾婚紗，啤梨話自己要好小心，怕踩到佢裙尾。
啤梨同Michelle行完禮，教堂仲安排佢哋食咗豐富金箔午宴，又送咗佢哋金箔蛋糕，啤梨笑言：「食得咁富貴，我驚Michelle返到香港返唔到轉頭。」
(蘋果日報)
