據傳媒消息，之前兩人曾爆出婚訊，大家都認爲他們好事近，可惜兩人已於近日分手，多次延期嘅婚禮亦告取消，雖然相關人士就唔知分手原因，但女方就會繼續以粉絲嘅身份為男方打氣，再見亦是朋友。
現年31歲嘅韓國男團JYJ成員朴有天，前年喺服兵役期間被爆先後捲入四宗性侵案，令到佢形象跌至谷底，當時佢同時與南乳南陽乳業家族外孫女黃荷娜就爆出婚訊，有指黃荷娜喺朴有天失意時一直陪伴佢身邊。
朴有天
而朴有天亦曾被傳媒拍得與黃荷娜約會，黃荷娜亦曾喺Instagram晒愛郎嘅照片，而去年朴有天退伍後，佢同黃荷娜都不時被扯在一起，不過早前朴有天喺日本東京舉行粉絲見面會時，佢就暗示同黃荷娜已分咗手，搞到唔少粉絲都勁開心，但有網民即時私訊黃荷娜，女方卻否認分手。
黃荷娜
到今日，韓國傳媒就報道，根據同朴有天及黃荷娜好close嘅相關人士透露，兩人已於近日分手，多次延期嘅婚禮亦告取消，雖然相關人士就唔知分手原因，但黃荷娜就會繼續以粉絲嘅身份為朴有天打氣，再見亦是朋友。
（apple daily）
