張栢芝媽媽戴莎莉、石詠莉（Sukie）、關寶慧及SuperGirls嘅Aka，噚晚喺銅鑼灣出席潘紹聰嘅《恐怖在線》十周年活動。栢芝媽話佢同潘紹聰認識多年，對方過去舉辦過多次去泰國嘅探靈同祈福團自己都有參加，佢話自己好鍾意睇靈異嘢，覺得好刺激。
栢芝媽 (左一)
最近劉美娟出新書《擁有失去》，披露了不少與栢芝媽的小故事，包括當年雙親離異，栢芝媽曾想過唔要個BB（即栢芝），另栢芝又憶述母親離家時，佢偷偷將儲埋多年嘅幾萬蚊俾媽媽，寫字條謂希望媽媽「有機會嘅時候帶我走」，令人惻然。
噚晚活動上，問栢芝媽如何同女兒慶祝母親節？佢就話：「都係咁啦，食餐飯。」咁栢芝會唔會買禮物畀你？佢話：「會嘅，不過未知係咩，最緊要大家身體健康。」咁近來有冇見過一對孫仔？佢話：「OK嘅，佢一得閒就會帶嚟畀我見。」
栢芝最近在劉美娟新書《擁有失去》大爆不少母女秘密。 （資料圖片）
(apple daily)
