早前身形明顯發福，即傳出懷孕消息，不過當時佢公開否認，估唔到嚟到母親節呢一日，佢喺社交網宣布準備當媽，真係恭喜晒！
之後都冇post過正面照，堅持唔畀個肚上鏡。
或者post半身照。
約一個月前否認有喜，仲post全身照話自己只係食肥咗。
娃娃除咗貼超聲波照片之外，仲發咗長文講番佢嘅心情，話同隆宸翰（Chris）拍咗一段時間拖，大家都好喜歡小朋友，不過每次去婦科檢查醫生都會話娃娃嘅子宮分數低於標準比較難受孕，娃娃同Chris抱住順其自然嘅心態去面對呢件事，最終呢個美好嘅禮物悄悄到來。
娃娃發長文宣布喜事。
現年35歲嘅台灣歌手魏如萱（娃娃）懷孕初期偶爾會有出血，狀況唔係太穩定，有打針亦有食藥，娃娃話當時嘅心情忐忑不安，花咗唔少時間先至適應同另情況穩定，希望各位粉絲同關心佢嘅人可以體諒佢到依家先至分享呢個消息。
懷孕期間娃娃都有去睇張學友開騷。
最後娃娃表明唔會暫停自己嘅唱歌事業，講笑要唱到生為止，仲話要叫定醫生喺後台等生B，不過娃娃最後都未有公開BB嘅性別要大家估吓。
(ON.CC)
