導演劉偉強出席海報作品展，他透露現時忙於電影的後期製作，下星期會出發到大連為一部有份監製的電影睇景：「講幾年前當地有油庫爆炸，都幾多大場面，演員方面中港兩邊都有。」又謂為免拍攝時危險，會多做準備工作，安全至上。他表示今日原先想出海，笑稱自己是二級大偈，惟需要為傾劇本開會，所以出唔到：「依家好多計劃，盡量做，導演監製演員攝影乜都做。」
談及余文樂日前榮升做爸爸，他表示感到非常開心，已經恭喜了對方：「叫佢唔好畀個仔曝光住，見相都幾得意。（似唔似佢？）似媽媽，同埋手指好長，佢兩公婆咁高第時一定好高大。（送咩畀佢？）冇諗，佢個仔已經係含住金鎖匙出世，咩都有，送啲愛畀佢。」
他指自己經驗充足，故分享給樂仔，叫他要錫老婆。問他的湊仔經驗可會過時？他說：「唔會，嗰時第一個仔我湊到佢個幾月，先畀工人照顧，都好辛苦。（有咩小貼士畀佢？）大膽啲，諗返20幾年前我叫老婆洗臍帶都唔好驚，一甩咗嗰吓就好開心。」他又認為BB其實好強壯，因在體內吸收媽媽的抗體，比成人還要壯。
(on.cc東網)
