提到上月細女出世，要湊三個小朋友會否辛苦？他直言：「幸福嘅辛苦，最辛苦係老婆，佢開心。原本兩個都夠。（再追多個？）唔好喇。點解我唔生夠四個？因為我條腰有問題，以前日日抱佢兩姊弟、騎膊馬，幾年前先發現腰骨有問題，所以依家都冇點抱，要留番畀細女。（細女難湊？）唔難，有經驗喇，最難湊係第二個，因為大女瞓，另一個又醒，24小時，依家好ok，佢哋都識唔好嘈，幫手照顧細女。」
高皓正透露大女學芭蕾舞，兒子學Hip hop ，但二人都不愛在別人前表演及比賽，反而愛在家開騷，他說：「佢哋會叫人熄電話睇佢哋表演，又唱歌好開心。」
他稱子女有上游泳班、學溜冰、跆拳道等興趣班，但自己不是怪獸家長：「好多都係贊助，唔係迫佢，係佢地鍾意先會學。」另外，母親節因老婆正在坐月，所以他會做代表帶子女與家人食飯。
(on.cc東網)
