珍惜身邊人、珍惜時間，往往因為工作忙，才漸漸發現陪伴家人相處嘅時間並唔多，袁偉豪近年不時出埠工作，又拍劇又登台，個樣睇落好攰，原來佢又孭起屋企生活費同爸爸嘅醫藥費。
今日有周刊指，袁父患肝癌，由於身體虛弱，未能進行治療，病情反覆，出入以輪椅代步，袁偉豪作為家中長子，肩負重擔，憂心爸爸嘅病情，知道之前顧住事業拼搏，錯過家人相處時間，所以o依家一唔使開工，佢盡量抽時間陪家人，袁偉豪更因壓力大，甩咗唔少頭髮，出鏡時惟有盡量遮掩。
雖然二人拍拖一年，處於熱戀期，不過女友張寶兒知道目前袁偉豪最重要係陪伴家人，寶兒做跟得女友，不時開解男友，唔介意一齊去飲茶、閒時一家人食飯，同時寶兒都好照顧袁偉豪媽咪，報道又指袁偉豪同寶兒並冇諗過閃婚沖喜，認為結婚係認真嘅事，唔可以衝動去決定。
(蘋果日報)
