每年母親節，李嘉欣都會和和奶奶、媽媽一齊食飯，今年亦不例外。已為人母的嘉欣，跟囝囝Jayden Max之間，都有悄悄話、小秘密分享，有時仲會講下爹哋的「小壞話」。
問嘉欣為人母之後三件難忘事，她說：「最難忘可以講係佢出世嗰一刻，因為之前真係picture唔到會有個人仔、喺手術室攞咗出嚟，喺你隔籬，仲喺度喊，個嗰係一個好震撼嘅畫面，真係好難忘。」
第二件難忘事，係為囝囝考小學。雖然報了三間學校，但一直忐忑兼擔心。至於第三件事，就係第一次收到囝囝親手做嘅禮物：「嗰刻真係好開心，0依家我就好衰，Jayden間中會送咗啲唔係好睇得明嘅藝術作品俾我，唔想嘥位，只係影低就掉咗喇。」
嘉欣坦言，作為母親，她一時是慈母，一時是嚴母，囝囝亦怕她多過怕爸爸許晉亨，有時亦要同步管理埋老公，但感覺幸福，「我有嚴肅嘅一面，但惡得多都會攰，有時都會用朋友之間方式相處，但母子之間唔係真係朋友，我需要管教佢，所以之會氹，會鬧，亦會同佢講道理。」
(蘋果日報)
