劉美娟推出新書《擁有失去》，丈夫張崇德及好友歐陽震華、蔡瀚億（Babyjohn）現身支持，劉美娟在書中筆錄了身邊一班好朋友成長同經歷，包括毛舜筠、張栢芝、歐陽震華、王祖藍等。
劉美娟話早年係電台工作就構思出呢本書，趁著母親節推出，書中會描述情同關係，歐陽震華係其中之一，佢話：「我成長經歷想畀到後生仔一啲幫助同埋教材，自己都曾經遇過成功失敗，高低起跌，開心唔開心，覺得新一代年青人將國情字擺得好後，如果冇情就得個軀殼，冇內心。」
另外書中亦都記載張栢芝歷程，劉美娟覺得栢芝係逆境自強媽媽，視家庭和關係最重要，唔想再唔開心事帶落下一代。
劉美娟在書中提及到栢芝係女超人，為咗孩子，隻身移居新加坡搵學校，搵屋亦親力親為，並承認自己不是完美母親，有時也會發脾氣。
喺《擁有失去》一書中，栢芝憶述，母親懷胎期間，經常同爸爸鬧交，栢芝媽最絕望時，曾經諗過要落咗個BB。栢芝9歲那年，雙親離婚，栢芝竟然拍手支持。
另外講到栢芝大仔Lucas，湊小朋友有時好激氣，但係大咗越來越懂事，有時栢芝喺內地工作返港好攰，Lucas會主動幫媽咪按摩，仲同媽咪講：「要照顧媽咪，呢個係做仔責任。」
栢芝話自己冇同孩子講與爸爸分開嘅事，因為行動比說話更重要，將來有機會一對仔去了解，自己就會有體會。
(蘋果日報)
