問到囝囝鍾意媽咪還是妹妹多些？他細細聲說：「鍾意媽咪。」佢最難忘一次收到囝囝送的母親節花，「其實有一次佢送咗支花，我見朵花謝咗，咪丟掉啦，跟住佢第二日喺垃圾筒發現咗支花，喊喊喊問點解，嗰時佢好細個，得三歲。」
做兩個小孩的媽咪，何嘉莉坦言不做怪獸家長，只想子女開心、自信，自由成長。Jean現時升讀國際學校，沒有密不透風的學習班、課外活動，「好少畀佢學嘢，佢而家大咗，佢鍾意畫畫，所以畀佢學，同埋有去踢波。最緊要品格好、有禮貌，出外唔會太粗魯。」
大仔快六歲，細女才剛滿七個月，機師老公經常要飛，一家四口幸福也要靠媽咪打點，「生咗個女之後，時間真係塞到滿晒，因為仔女年紀太唔同，需要嘅亦唔一樣，真係要係咁塞係咁塞，等佢哋瞓晒覺，我先可以有私人時間做拍片、upload工作。」
【有型湊仔KOL 】
38歲有型媽咪何嘉莉，湊住兩個小朋友，結婚事隔15年重新簽了英皇，以KOL身份工作。Ig分享喼弗扮靚、如何有型湊仔、親子瑜伽等心得，也上載自己為囝囝剪髮教室等。
「拍戲、唱歌真係唔會啦。」問何嘉莉再追一個小朋友？她哈哈大笑：「唔想再有呢個意外啦，而家已經冇晒時間，再多一個真係搞唔掂，而家花咗自己身上嘅心思真係少咗，shopping都係睇童裝，自己衫就online shopping簡單啲。」
(蘋果日報)
