一直未有新作，不過佢就有Keep住更新Instagram，除咗有其近況生活照外，不時亦有囝囝嘅背影照，但甚少一家三口嘅合照，今日喺Ig晒新相時，就有網民發現佢上圍似乎升咗級，又疑似肚凸凸，引起網民猜測佢係咪懷二胎，另一張相中，就見。。。
現年36歲嘅韓國女星李敏貞，於2013年與男星李秉憲結婚，雖然李秉憲於2014年陷入桃色醜聞，不過李敏貞選擇原諒老公，並於2015年3月為李秉憲誕下囝囝。
李敏貞前年拍完韓劇《回來吧大叔》就一直未有新作，不過佢就有Keep住更新Instagram，除咗有其近況生活照外，不時亦有囝囝嘅背影照，雖然甚少一家三口嘅合照，但當李秉憲有新片上映時，李敏貞都有現身力撐，而今年2月李敏貞、李秉憲更合體去睇冬季奧運會嘅比賽。
李敏貞今日喺Ig晒新相時，就有網民發現佢上圍似乎升咗級，又疑似肚凸凸，引起網民猜測佢係咪懷二胎，不過李敏貞腳上仍然着住高踭鞋，假如佢真係陀緊B，都真係好牙煙。
另一張相中，就見李敏貞身穿鬆身衫孖友人去打高爾夫球。
(蘋果日報)
