宋熙年早前宣布同老公陳智燊造人成功，平時有拍片同大家分享入廚心得嘅宋熙年，今次就換新菜色，教大家煮孕婦健康飲食餐單！有咗小朋友梗係要食得健康，一開波宋熙年就同大家投訴，話屋企有個廿四小時嘅私家保鏢睇實佢，依家就連嘢食都管埋，搞到佢個樣幾咁無奈，但陳智燊冇理老婆控訴話：「作為一個好盡責嘅另一半，監督住佢係應該嘅！」嘩，陳智燊咁講法，真係小心成為人民公敵呀！
宋熙年炮製獨門大補湯！
其實有得照顧老婆已經好開心～
好啦入正題啦！宋熙年教大家煮佢呢排經常煮嘅花膠瘦肉燉雞腳湯同蒸水蛋。
等佢嚟教大家點煲～
好足料～
你有冇跟住學？
搞掂晒！
期間陳智燊竟然向住老婆反擊，拎住個細細個嘅燉盅，話根本只係夠老婆一個人飲：「有人話呢個燉盅夠佢自己一個人飲，個分量就啱啱好，唔多又唔使隔夜，一次過飲晒佢！」
聽到老公咁講，平時喺屋企做女王嘅宋熙年梗係反擊：「依家係我要補，要我滋潤，OK？唔係佢要補佢要滋潤，係咪？佢要飲，我飲剩咪畀佢飲囉！」雖然老婆咁講，但陳智燊聽完冇嬲嬲，反而唔係坐喺度唔做嘢，都有幫老婆手，唔少網友都話宋熙年嫁到個好老公，要好好享受呢幾個月嘅女王生活。
老公～～～當然冇得飲～
網民有話兒：
TXXa HX：有個好老公，將來又是好爸爸，你嫁對了。
gXXi so：Sarah. 你要食多啲，貪靚會餓親BB。
vanXXXa CXXXng：So sweet
EXXXe M：好好味～ 今日我也燉咗妳教的湯，好好飲，Thanks
（on.cc）
