歌手張敬軒（軒仔）早前偕同電台DJ細So飛到日本做直播，軒仔更帶細So去到一位日本人妻屋企，到自我介紹時，軒仔就話自己叫「渠」，而細So就叫「王」，然後呢隊新晉男子組合「渠王」就跟住人妻「惟明」入屋。雖然大家認識不久，但人妻「惟明」就表示是第一次見識到香港男士，仲大讚他們很精壯。
佢哋去日本搵人妻學煮住家飯。
入到屋，急不及待坐低的細So見到一枱都是美味餸菜，仲有個疑似「人夫」在場，即刻大嘆失望，軒仔就話：「我不嬲都話帶你嚟食住家菜，你唔好心邪先得㗎。」原來該處是日本人妻學煮住家飯去箍住老公的心嘅地方。
軒仔成功學整燒玉子。
開餐時，細So就問人妻惟明同疑似人夫係咪結咗婚，他們就表示唔係，原來二人只是工作夥伴，二人反問軒仔同細So是否結了婚？
軒仔（中）被問係咪同細So結咗婚。
軒仔就即刻推開細So大嗌：「No、No、No！」不過細So就不肯放過軒仔搞爛gag笑說：「我哋離咗婚。」嚇到軒仔擘大個口得個窿。
乜佢哋真係咁似一Pair？
張敬軒 （資料圖片）
（on.cc）
