近年向綜藝節目發展的麥美恩（Mayanne）事業漸入佳境，今年一月更獲「飛躍進步女藝員」獎。入行七年的她初做主持時，被誤會故意搶Fo而被網民Dislike，幸好最終憑着努力及一班前輩鄭裕玲、陳百祥、曾志偉等鼓勵，才衝破障礙，將負評扭正。
「一個主持要攞飛躍進步獎，其實係好難！」麥美恩在年初的《萬千星輝頒獎典禮》以主持身份贏得「飛躍進步女藝員」後講出心底話，她坦言得悉獲獎一刻心情激動，因為自己去年嘗試和參與很多不同類型的節目，期望至少能代表一個節目上台領獎：「點知原來係攞個人獎項，大家睇到我個驚訝表情係好真實，因為除咗最佳主持之外，都好難上到頒獎台。」
公公成就樂觀一面
參選港姐後入行七年，由娛樂新聞台主播做起，主持地位終於獲得肯定，Mayanne感謝父母及家人支持：「公公離開咗我20年，但我成長最重要嘅時候，佢喺我身邊。我有呢一刻成就，功勞真係屬於我公公。」回想當年回港發展初時，雙親不太支持，她說：「佢哋知我性格獨立，盡量畀空間我發揮。佢哋知香港做嘢壓力大，最擔心我受傷害，叫我返加拿大，生活模式可能輕鬆啲。」但她坦言沒有後悔加入娛樂圈，因父母看到她在鏡頭前開心的一面，感覺到那種感染力，覺得她享受工作。
鬼妹性格懶理儀態
Mayanne由出道開始便給人「傻大姐」的感覺，她坦言是自己的真性情：「都係我自己本身嘅性格，初初唔識我，會以為我搶Fo或者表現自己，但熟咗就知係我自然反應。」在外國長大的她，指家人從小沒有刻意去管教其儀態，反而鼓勵她做回自己：「我呢種性格其實差一線，可以覺得幾得意，幾真性情，但另一方面就會覺得好浮誇。」
感激網民留意狂踩
提到在頒獎典禮上多謝網友，她解釋因為入行初期有留意不同的討論區，發現有很多負評：「初初啲人未必接受，佢哋睇睇吓會覺得我冇底線，佢哋會諗我入面有啲乜嘢，我覺得係爭取到佢哋一個注意力。佢哋真係好有耐性去分析一個藝人嘅性格，個互動係幾得意。」
入行七年學識打扮
天生性格樂觀的Mayanne，沒有因負評而感到不開心：「每個女仔天生有唔同嘅特質，但隨時間都會學習同進步。呢幾年有學識點去打扮，依家多番啲留言話麥美恩係一個靚女。捱過幾年畀人笑咗咁多，係時候畀人讚番都有啲甜頭。」她雖然在外國長大，但很慶幸獲得工作人員和香港觀眾包容。
前輩錫住催逼成長
主持技巧日趨成熟，Mayanne表示不斷向身邊人問意見，笑言當身邊拍檔是陳百祥、曾志偉、鄭裕玲、汪明荃等前輩時，某程度上要逼自己進步：「佢哋個個都好錫我，綵排時又有傾有講，建立到司儀嗰種默契。」她表示與一班前輩做大騷會安心很多，因為大家有種共識和信任。
「是非精」成功入屋
Mayanne不斷參與綜藝節目，與黃心穎及李佳芯等組成第一代「是非精」，人氣漸漸強勁：「我啲拍檔全部拍劇為主，但其實都有人留意主持，入屋嘅途徑除咗劇集做到嗰個效果之外，其實做節目做得投入，都可以得到認同。」她指幕後人員給予很多信心起用她，今次獲獎亦是給非戲劇部門一大鼓勵。至於會否想再於劇集獎項上有成績，她直言沒有所謂，現時的她已建立了很好的司儀和主持基礎，而拍劇方面則要再花很多時間鑽研，要有取捨。
真人騷玩出火花
除了參與多個主持工作外，Mayanne亦為多個綜藝節目擔任嘉賓，更獲一眾演藝界前輩及好友支持及鼓勵。她坦言拍攝真人遊戲騷的印象較為深刻：「林盛斌及苗僑偉肯同我分析主持方法，陳凱琳、黃翠如好多嘢分享。佢哋又會鼓勵我多啲休息，搵個平衡。佢哋對我好好同體恤我，我覺得好難得。」
(on.cc東網)
