藝人車婉婉去年為中澳混血兒老公Jonathon誕下囝囝「BBQ」後，視囝囝如珠如寶，經常將囝囝嘅成長點滴放上社交網，同網民分享。
作為廿四孝媽咪嘅車婉婉，呢日喺網上透露自己太全神照顧囝囝，搞到唔小心撞到個額頭：「高齡日誌之冒失Q MaMa😣 想問其他MaMa有無試過掛住睇住個仔，而自己中頭獎嘅呢？Q MaMa昨日一心為了制止BBQ進入充滿危險的廚房，沒有留神的情況下把頭撞埋廚櫃角，中雲（魂）精位！巧痛呀！好彩沒流血，但一定內傷，即時『起樓』之餘，Q MaMa仲見暈暈地。各位MaMa記住看B之時也要自己小心呀！」
(on.cc)
