現年38歲嘅藝人楊怡同老公羅仲謙結婚就快兩年，兩公婆都講過會積極造人，但暫時都未有好消息傳出，暫時嘆住二人世界先！話唔定有突如其來嘅驚喜呢！
兩人一直都好恩愛！
羅仲謙
不過楊怡其實一早已經做咗「媽媽」，而佢嘅BB就係佢隻狗狗啦。
呢日楊怡喺社交網上載一張同愛犬嘅合照，留言話：「親愛的薯寶貝，日子一天天過去，你已經10歲啦，媽媽祝願你永遠快樂，健健康康#心肝寶貝 #myboy #birthdaycake #belatedbirthday 」相中嘅楊怡一臉慈母樣，同愛犬薯寶貝面貼面影相，枱上仲有一個芒果蛋糕，網民都讚佢將來一定會係一個好媽媽，仲順便催佢快啲生BB添！
狗狗生日快樂呀！楊怡媽媽一定好錫你！都希望楊怡同羅仲謙快啲有好消息啦！
（on.cc）
