歌手官恩娜（Ella）今年1月再誕下細女Aurélie（BéBé A），為屋企增添一個新成員，一家四口樂也融融！話咁快3個幾月又過去，BéBé A眨吓眼就100日大喇！
呢日，Ella就喺IG 限時動態Post出細女喺馬場搞百日宴嘅相，相中見場地佈置華麗，除咗有好多艷麗鮮花作點綴之外，更有精緻蛋糕與大仔BéBé G錫錫細妹BéBé A嘅相放喺亮眼處，Ella仲同老公一人抱一個喺佈景前影全家福，簡直Warm到爆燈！
好靚！
一家四口勁溫馨~
BéBé A啱啱好三個月大時，同媽咪一樣咁靚。（資料圖片）
蛋糕設計精緻！
另外，昨日係賽馬日，BéBé G仲同表兄弟去咗睇賽事，見到三位小朋友對於賽馬都感到相當好奇，睇良駒比賽時不時手指指，真係好得意呀！
BéBé G同咗表兄弟去睇賽事。
三位小朋友對於賽馬都感到相當好奇。
(on.cc)
