26嵗嘅何超蓮被譽爲何家最美千金，令人留下最深印象就係同吳克群嘅4年情。當時超蓮在Instagram中寫下分手淚言，暗示自己與當時男友吳克羣分手：「我答應自己，這是我最後一次為你流淚，我不會記恨，我要往前走，不會再執著一切真真假假，最重要的是我會永遠記住分開的那一刻你給我留下的最後印象，可以讓我提醒自己不能再這麼傻，也許有一天我會謝謝你，謝謝你讓我學會怎麼樣更愛自己多一些。」
何超蓮
自正式分手後，何家千金何超蓮緋聞不斷，當時有傳香港富三代霍啓山力追，仲被影到一齊食飯，但二人一直對戀情持否認態度。
香港富三代霍啓山
嚟緊星期三（9號）就係何家三房千金何超蓮嘅27歲生日，噚晚佢約埋一大班朋友唱K提早慶祝，薛凱琪、王灝兒（JW）男友葉韋彤（Tarzan）都有拍片放上Instagram限時動態，成班人玩得好開心喎！
佢哋唔係齋唱K、飲酒砌蛋糕就算㗎！佢哋好有心思佈置過間K房，放滿氣球。
許願先！
切足三個蛋糕，生日快樂呀！
同準備咗一大束巨型鮮花送畀壽星女，目測紥花至少有幾百朵，唔知邊位男士送呢?
驚喜到掩晒面（ig圖片）
唱生日K都有制服㗎！超蓮同成班朋友都着咗件印住「我沒有醉」嘅tee，相當搞笑，到切生日蛋糕時，超蓮就一口氣切咗3個蛋糕，而薛凱琪更負責唱中文版生日歌送畀壽星女。網民都話超蓮真係超幸福，呢個生日派對相信大家都玩得非常盡興。
壽星女着住件「我沒有醉」嘅tee（ig圖片）
好友JW 就著「我醉了」嘅tee
（apple daily）
