一索得男，5月底將剖腹生B，一直血氣不足的她坦言佗B倍感吃力，初期還不時見暈：「之前一食飽就會暈，好似抖唔到氣，呼吸唔係好順。」進入衝刺期，情況亦漸穩定，早前更與老公到影樓留倩影，見她老公不時摸她的大肚，又錫錫肚皮，十分期待小生命到來。
個肚好大呀！
好Warm呀！
聽到咩呢？
錫錫！
名媛諸葛紫岐愛將兼契妹黃倩婷（Cindy）開心表示影相過程十分輕鬆：「大家都好照顧我，影咗半個鐘已不停問我會唔會太攰。今次影相真係好開心，以前影相成日要挺胸收腹，依家唔使收腹舒服好多。」
並透露現已重了13公斤。講到BB即將出世，她笑言要趁現在多點和老公拍拖：「依家好容易攰，夜晚又瞓得唔好，但驚生咗之後要主力照顧BB，所以都會爭取多啲二人世界，同老公去街拍吓拖。」
名媛諸葛紫岐愛將兼契妹黃倩婷 （資料圖片）
（on.cc）
