經歷過離婚之痛嘅佢於2013年拍劇時同對手撻着，兩人拍拖五年感情好穩定，仲宣布於今個月拉埋天窗！而近日有媒體就拍到佢哋好貼地，好似普通市民一樣搭地鐵，喺月台上準繼父仲不時同兒子玩，可見佢已將繼子視如己出，一家三口睇起嚟好幸福！
喺近期熱播中嘅韓劇《金裝律師》中飾演張東健舊愛嘅34歲女星張伸瑛，今個月佢將會再披嫁衣，嫁畀韓劇《荊棘花》嘅35歲拍檔姜景晙。
張伸瑛2006年同經理人公司理事魏承喆結婚，翌年4月誕下兒子，不過佢同魏承喆嘅婚姻只維持咗三年，之後因性格不合以及丈夫創業失敗等問題而離婚，兒子嘅撫養權就歸張伸瑛所有。
經歷過離婚之痛嘅張伸瑛於2013年拍劇時同對手姜景晙撻着，兩人拍拖五年感情好穩定，仲會於今個月拉埋天窗。
而近日韓媒就拍得正在準備婚禮嘅張伸瑛同未婚夫魏承喆以及兒子出街，佢哋仲好貼地，好似普通市民一樣搭地鐵，喺月台上準繼父魏承喆仲不時同兒子玩，可見佢已將繼子視如己出，一家三口睇起嚟好幸福。
(蘋果日報)
