被封「羅仲謙2號」嘅佢喺大台十年，最近忽然被炒，有傳佢對麥明詩犯咗不當行為。曾經追求過麥明詩，戲中佢哋飾演一對戀人，戲外魏焌皓都經常借故約麥明詩食飯。而公司內部亦有一個「強吻事件」嘅傳聞。據劇組人員爆料。。。
《蘋果》收到消息，曾經傳喺兩年內速食15個o靚模、花旦嘅魏焌皓，拍《使徒行者2》時曾經追求過麥明詩，戲中佢哋飾演一對戀人，戲外魏焌皓都經常借故約麥明詩食飯。而公司內部亦有一個「強吻事件」嘅傳聞。據劇組人員爆料，指麥明詩當時都好抗拒魏焌皓，每次都會搵埋黃翠如同袁偉豪做擋箭牌。
消息指有次返大陸開工，場口只有魏焌皓同麥明詩，收工後兩人有獨處機會，發生強吻事件。據聞事後麥明詩向高層投訴，而魏焌皓亦被照肺，最後不獲無綫續約。魏焌皓今接受《蘋果》訪問時，承認「強吻傳聞」公司內部傳得好盛，但佢否認有做過。
記﹕記者
魏﹕魏焌
皓記﹕有冇追求過麥明詩？
魏﹕絕對冇。
記﹕喺大陸發生唔開心事件？
魏﹕我印象中冇。
記﹕傳聞你強吻麥明詩？
魏﹕絕對冇強吻。
記﹕雙方有誤解？
魏﹕呢樣我唔清楚喇，我唔知有冇誤解，因為我唔係佢。我就絕對冇係人哋唔情願情況下，做一啲越軌行為。
記﹕曾經畀高層照肺？
魏﹕有同佢哋傾過偈，佢哋有關心我，但唔係照肺。
記﹕你覺得你被炒，同麥明詩有冇關係？
魏﹕我就真係覺得唔係畀人炒，只係冇續最後一年約……我自己覺得，自己有諗過，可能有機會係有關。但大家都係演員，呢啲係高層決定，我唔知係咪真係同某啲人有關係，但我當然希望唔係因為呢件事，呢個人，最後有一個咁嘅結果，我覺得如果係高層決定就合理啲。
記﹕有冇同麥明詩傾過？
魏﹕其實《使徒》都拍咗一段好長時間，我都聽到呢啲不實說話。
記﹕指追求同強吻？
魏﹕都有聽過，我真係有私下同佢講，「唔知我哋之間係咪有啲咩誤會啦，我希望我哋可以互相尊重，唔想大家都成為一個造謠者」，我係有要求過，但佢係冇回應我。
至於麥明詩至今仍未回覆。
(蘋果日報)
