汪明荃同羅家英喺60歲後結束愛情長跑，於2009年5月喺美國拉斯維加斯註冊結婚，噚日係佢哋結婚9周年。
佢哋喺上海慶祝結婚周年紀念日，一齊睇戲、給先人掃墓，又相約上海戲劇家協會副主席史依弘喺慧公館食飯兼傾吓戲曲，大家志同道合，真係相當開心，友人仲為羅家英準備鮮花及蛋糕送俾汪阿姐。
汪明荃同羅家英齊齊去咗上海睇大戲。
佢哋仲約埋朋友一齊飯敍暢談粵劇。
同行友人仲好有心咁為佢哋預備蛋糕及鮮花。
羅家英同汪明荃於1988年合作粵劇結緣，拍拖20年，汪阿姐2002年發現罹患乳腺癌與甲狀腺癌，羅家英對阿姐不離不棄，反而向佢求婚、要照顧阿姐一世，待阿姐康復後，羅家英卻在2004年患肝癌第3期，到汪阿姐陪伴羅家英勇敢抗癌，阿姐更首度開口等羅家英康復就結婚，多年嚟二人感情深厚，不時結伴現身。
汪明荃微博
(apple daily)
