熊黛林喺日前老公郭可頌剖腹誕下一對孖女，Lynn加入潮媽行列，之後佢哋向傳媒發佈一家四口嘅全家福，羨煞旁人！
今日有周刊報道，向來對Lynn愛錫有加嘅郭可頌，自從老婆同佢生咗孖女之後，愛錫程度有增冇減，雖然請咗兩個24小時嘅陪月，連同外母貼身照顧，奶奶準備咗好多藥材，吩咐工人煲多啲湯水俾Lynn，不過郭可頌就盡量分配好多時間，陪老婆同孖女。
報道話郭可頌曾經諗送多一層樓俾老婆揸手當獎勵，不過Lynn話遲啲先算，於是郭可頌提議不如買層樓俾外母，等佢喺香港有個屋企，方便照顧個女同一對孫女。本來郭可頌有意喺o依家住緊嘅大廈物色單位，最後佢哋揀咗大坑嘅名門，一來同佢哋住嘅地方距離好近，大約10分鐘車程，二來有晒配套同會所。
(蘋果日報)
