藝人湯怡同洪卓立拍拖多年一直都好Sweet，間唔中都會放下閃咁。但估唔到湯怡之前都經歷過好多嘢～佢接受電台訪問，正忙於為新片宣傳，戲中她演繹學生時代，而近日湯怡亦把小時候的一張學生相放上網分享。然而湯怡表示讀書時代有做模特兒，之後參加了無綫的《美女廚房》中的少女廚神比賽而入行，她謂：「當時畢業就入娛樂圈，所以係零工作經驗。」
問到可有放棄升學機會而後悔？湯怡坦言沒有後悔，但入行多年來都曾有無數次想放棄及灰心的諗頭閃過：「試過半年冇收入，冇工開。（屋企有冇畀壓力妳？）都有畀㗎，阿媽都有話過我，我惟有喊住講，我都唔想，但呢行係好講際遇。」雖然當時沒工作，但因為都有儲起積蓄，所以都能照給家用。然而近年湯怡在電影上都有不少發揮機會，新片更當上女主角，提到當初知任女主角心情是否很興奮？湯怡表示：「聽到係好Surprise，真係未到最後一刻自己都唔敢信，亦唔敢同人講，怕講出嚟就『小器』，而真係落實咗係好開心嘅，亦非常大壓力，但都覺得今次自己戲入面嘅表現係收貨嘅。」
(on.cc東網)
