囝囝真係好叻仔！正所謂「人生何處不相逢」，睇番佢哋嘅合照，發覺佢哋個樣都冇乜點變，真係好似凍齡咁，依然咁索同咁型。曾華倩除咗喺機場撞到佢之外，原來佢仲撞到呢兩個好朋友：「他們出發去國內拍攝TVB古裝電視劇。真有緣呢！」
曾華倩喺ig貼咗同鄭浩南嘅合照，佢話：「昨天早上，在機埸偶遇多年沒見的Mark哥鄭浩南，還在同一班飛機去同一地方。真巧合!」
52歲嘅曾華倩同53歲嘅鄭浩南，大家可能都忘記咗，原來佢哋曾經喺91年合作拍過劇集《夢裡伊人》，同劇嘅仲羅嘉良同李婉華㖭！但睇番佢哋噚日嘅合照，發覺佢哋個樣都冇乜點變，真係好似凍齡咁，依然咁索同咁型。
曾華倩除咗喺機場撞到鄭浩南外，原來佢仲撞到吳家樂同袁文傑，佢話：「還有碰到的是吳家樂和袁文傑，他們出發去國內拍攝TVB古裝電視劇。真有緣呢！」
見到曾華倩同鄭浩南、袁文傑同吳家樂合照外，相中仲見到佢個囝囝林浩賢（Martin）。
原來Martin係代表香港泳隊，出發到吉隆坡參加「第61屆馬來西亞公開游泳錦標賽」，華倩真係一個廿四孝媽媽，Martin喺香港比賽，佢會到場打氣，連到外地比賽都以行動支持，真係難得。
(蘋果日報)
