藝人郭羨妮（Sonija）出席「apm全城瞓身睇足球」記者招待會，她表示好少女士喜歡足球，坦言有少許悶，自己通常會陪老公觀賞賽事。Sonija透露近排會留在香港，但老公一直在內地工作直到8月：「嗰度都好熱，佢有叫我去探班，都叫咗幾次，但沙塵滾滾嘅地方唔好搞我，等佢返嚟。」
她謂囡囡將於月底渡過6歲生日，老公會抽時間回來香港36小時，到時可以聚一聚：「我同個女生日都會，冇得瞓都會返嚟。」
問囡囡可有要求舉行甚麼派對？Sonija表示沒有，但有想要的禮物，以及希望在生日正日策騎：「佢話嗰日一定要玩，所以我要安排，佢之前喺台灣都有接觸過啲Pony。」Sonija又笑言囡囡遺傳了老公的大膽和好動。
(on.cc東網)
