一向以天王郭富城同劉德華為榜樣，對感情事保持低調，不過隨住四大天王大方公開戀情，分享家庭樂，佢嘅心態都睇開咗，喺2015年認愛大陸網紅周揚青，更稱唔介意對方曾整容，今日傳佢好事近呀！
有台灣報道指，羅志祥近日豪擲2.7億元台幣（約7300萬港元）買新居，將同周揚青拉埋天窗，據知羅志祥於2013年已花2.18億台幣(約5800萬港元)買內湖兩個單位，打通當成自住房，o依家再買同棟23樓，按照慣例將兩戶打通，有傳咁大手筆購買單位係想娶周揚青入門，築一個愛巢，羅志祥將於女友周揚青30歲生日，今年9月12號迎娶佢。
羅志祥之前講過視周揚青為結婚對象，二人相識時，周揚青並未整型，強調女友只係整眼同鼻，其他都係靠減肥，二人並非因外表先一齊，羅志祥係打從心底佩服呢個女仔，笑言周揚青係性格豪爽成呢一個優點，得羅媽媽嘅認可，笑言羅媽媽最討厭造作同唔大方嘅女生；羅志祥出道多年，周揚青係佢唯一承認過嘅女友，更願意為女友放棄不婚主義。
早前被拍到兩個蜜遊日本
（Apple Daily）
