有一仔一女湊夠好字，翠如表示唔係刻意要求：「會好難過同擔憂，發現做媽媽係好偉大嘅事，不過係種福氣。叫佢唔准拍拖同咁早結婚。。。」
藝人黃翠如出席宣明會「助養．童享快樂旅程」記者會，她表示現時有助養6歲女兒芭依及11歲兒子拜諾，在之前曾助養一個女兒，但已經成年自立。她笑言曾赴孟加拉探望女兒，好似相睇一樣，趁機有向女兒訓話：「叫佢唔准拍拖同咁早結婚，因為當地比較窮，同埋好多童婚問題，女仔13歲就要嫁人，就叫佢畀心機讀好書。」
談及她有一仔一女湊夠好字，翠如表示是機構安排，並唔係刻意要求，又認為第一次探望感覺好得意：「一直都有書信來往，未見面時幻想佢哋係高大啲，去到見到個女似三歲，個仔亦都好矮，嗰邊經濟唔好一日食得一餐飯。」
翠如表示芭依正在就學，當時有帶備食物、文具、水壺及袋給予當地兒童，直言帶得幾多得幾多，離開時亦感到好難過。問男友蕭正楠可有助養兒童？她表示已幫對方填表，等他回來簽名：「佢知當地問題，有份買布袋仔同水壺，都希望有一日會同佢一齊去，但首先佢要做咗助養者先，今次係一個好好嘅生命體驗。」
講到在台上被讚有潛質做媽媽，她笑言要跟助養小朋友相處的確有少少媽媽感覺：「會好難過同擔憂，發現做媽媽係好偉大嘅事，不過係種福氣。（你做好心理準備？）兩回事嚟，未到呢知階段，太早啦跳咗步驟！（要結咗婚先生？）我諗我係，佢（男友）比我更傳統，應該唔係呢個年代嘅人。（有冇計劃？）要問佢，唔再講呢個話題，好悶，將來有機會時就有機會啦！」
(on.cc東網)
