83歲羅蘭姐雖然事業得意，可惜至今仍未婚。最近就流出她與他的親密合照，真的是想不到！對方還把合照上載到社交網，一衆網民尖叫！
羅蘭近日非常巴閉，到澳門與碧咸演出廣告，她興奮得像小fans要求碧咸合照簽名，難得這位萬人迷不但攬着羅蘭合照，還將照片放上Instagram。首次與外國人合作便遇上巨星的羅蘭昨日說：「佢好靚仔，完全冇架子！」又透露因龍婆形象太深入民心而獲加戲。
其中一張是碧咸攬着羅蘭，羅蘭還邊笑邊豎起手指公讚好，另外又有碧咸與一班熟女大合照，認真令人羨慕。
記者昨日致電羅蘭，問是否與碧咸在澳門合作拍廣告時，羅蘭反問記者為何知道她與碧咸合照，當她獲悉是碧咸主動將攬攬相放上社交網後，羅蘭即開心地說：「我都係啱啱喺澳搭船返到香港，我同佢拍廣告，我第一次同外國人拍嘢，估唔到第一次就同個咁大粒喎，我都好開心興奮㗎！」
羅蘭大讚碧咸好靚仔，她說：「我睇番佢以前啲相，覺得佢冇鬚嗰陣仲靚仔㖭！我叫佢同我影張相簽個名，佢即刻話冇問題，好親切，好nice，完全冇架子。」那麼碧咸是否知道她是演員？羅蘭笑說：「佢知，連個外國導演都知，有幾個shot個導演仲叫我扮龍婆㖭呀！」
看來羅蘭整個Trip都好開心！
（appledaily）
