藝人廖碧兒（Bernice）以白色Deep V裙現身、出席美容活動。Bernice最近承認與富貴男友Calvin拍拖，不過卻有指Calvin與前女友Nina仍未分手兼同遊泰國。對此，Bernice表示百分百相信男友：「我知佢哋係朋友，佢哋兩家人都好熟，但Nina已經結咗婚，有自己嘅家庭，希望大家唔好騷擾到佢。我同Calvin係識咗一段時間先一齊，係認真先公開。（你有問過佢係咪單身？）有問過，佢同我講冇拍拖。（有人話你只係佢比較close嘅朋友？）我唔知嗰個係邊個，我哋已經公開咗。（會唔會帶男友一齊出活動？）唔知喎，睇機會。（佢抗唔抗拒？）你要問佢。」
信晒男友
至於有關Calvin在派對上狂開香檳及被不少靚女埋身，Bernice指相片並不是最近拍的，當日男友與同事開派對，Bernice更認識當中幾名女性。問到男友屬高富帥，是否吸引不少異性埋身？Bernice自信地說：「咁我自己都靚、多人去追，男女都好正常。（你多唔多人追？）ok啦！（對男友好有信心？）有信心，佢講嘅我都信晒。（視為結婚對象？）依家先拍拖，畀啲時間同空間我，呢刻好開心。（未傾到結婚問題？）未，拍咗幾個月咋，畀啲時間去了解大家先。」提到有指男友斥資兩億歐元掃香檳，她笑言自己不清楚金額，只有份嘆美酒。
(on.cc東網)
