劉浩龍尋晚就啱啱開完演唱會，作為前度嘅容祖兒不避嫌撐場，睇足全場之餘亦非常投入，從祖兒嘅態度嚟睇，唔少人都會懷疑佢哋藕斷絲蓮！祖兒凌晨喺社交網就發咗張劉浩龍赤裸上身嘅黑白照，除咗睇到劉浩龍好大隻一身肌肉之外，唔通祖兒係想借呢張相宣布佢哋未分手？
睇埋祖兒嘅發文，原來佢係解構番佢哋嘅感情路同埋依家嘅關係，祖兒話係緣分令到佢哋聚埋一齊，兩個人互相影響、支持同學習，雖然劉浩龍個樣有啲招積，但係個人好真心同忠誠，不過人大咗明白感情有不同嘅層次，最緊要係感情不變，仲話「你快樂所以我快樂」。
文中仲有幫劉浩龍喺演出時失準講番句好說話，表示人總不能完美，知道佢已經盡咗力，偶有失手希望大家高抬貴手，仲讚劉浩龍係值得更多掌聲嘅。
(on.cc東網)
