藝人陳琪與老公胡諾言育有三個非常精靈兼孝順嘅仔女，大女胡芷苓（JayJay）之前仲特登用晒零用錢買咗條鏈送畀佢，可見孝順程度100分呀！
唔好以為只有JayJay咁識做，就連只有1歲嘅細仔胡澔錕（Jayden）都相當錫住媽咪！1歲人仔識做啲咩？咪就係幫媽咪手做清潔，陳琪喺社交網晒出Jayden做清潔工嘅相，仲大讚囝囝係佢嘅好幫手，陳琪留言：「波波（Jayden）捐窿捐罅瞓身清潔，絕對應該攞『最佳勤工獎』。我嘅清潔好幫手。」
相中見Jayden拎住一支高過佢成個身位嘅地拖係度左抹右抹，地下又抹吓、櫃底又抹下，睇嚟應該係畀媽咪訓練得多！
唔少網民都話Jayden咁細個就識幫手做家務，睇嚟陳琪好快就可以甩難囉！
(on.cc東網)
