【停工陪月，仲…】黎明真係好爸爸！

黎明早前宣佈做老竇，前助手Wing為佢生咗囡囡，Wing升呢做「天王嫂」，由於黎明處理感情事一向好低調，想保護囡囡同Wing，唔想佢哋曝光，點知囡囡出世嘅消息「外洩」，令黎明出聲明稱唔會再現身浸會醫院，又指「原來有些人真是有種漢奸基因」。

今日有周刊指，B女出世後，黎明已第一時間「封鎖」消息，黎明亦停工陪月，甚少外出，暫時禁止友人探B女，又同醫護人員、屋企家傭及看更講明齊齊封口，點知都係百密一疏，睇怕嚟天王更加努力保護家人。

(蘋果日報)