林心如同霍建華婚後，育有一女「小海豚」，林心如除專心相夫教女，亦要忙於自己嘅演藝工作，但見佢都兼顧後頭頭是道。
噚日就有大陸網民野生捕獲到佢一個去咗超市入貨，但原來佢係返咗大陸參與節目嘅錄影，節目內容就係要佢去超市買餸，但係見到林心如原來對煮飯一竅不通，就連麵粉跟小麥粉都不太會分辨，網民見到就讚霍建華太錫老婆喇！
當日拍攝時，見到林心如着住牛仔褲加一件乾濕褸，現身大陸一間超級市場，好多網民見到都即時影相同拍片，然後就上載到社交網同大家分享啦！見到林心如喺超市好專心咁挑選食材，其間佢見到有人影相同拍片，佢都好友善咁同圍觀嘅市民打招呼。但係呢位靚媽原來唔係好識煮嘢食，連小麥和麵粉都分唔清楚，搞到要向超市嘅人求助，林心如見到咁多食材，仲好驚奇咁問：「這麼一大包，我怎麼買」？
林心如話，其實老公好鍾意一個人去行超市，佢仲話如果保母要照顧囡囡行唔開，老公更會自己踩單車去超市補貨，原來霍建華真係咁錫老婆，唔怪得林心如對食材嘅認識咁少啦！
好多網民都話好羨慕佢有個咁好老公，又話霍建華咁錫林心如，一定唔捨得俾佢下廚喎！
(蘋果日報)
