藝人謝安琪（Kay）以大使身份出席健康飲食活動，Kay受訪時表示已食素多年，大約由中學時期開始。而Kay表示有時外出食飯都會去非素食餐廳：「都唔會太介意，食素都唔係因為宗教，會喺餐牌入面揀啲啱食。」Kay又以「爆肺」做例子：「有好多人都以為食素會冇乜氣力，但啱啱聽食素原來幫助到復原能力，就好似我試過肺爆4次，醫院都話要1個月以上先好番，但我係幾日之後就出院，唔知係咪真係冇關，但起碼唔會影響健康。」
唔逼身邊人食齋
問到老公張繼聰是否素食者？Kay說：「佢曾經超過4年食全素，但佢之後轉咗舉重訓練，又要為角色做準備，都唔會逼身邊嘅人食素，因應唔同需要。」她續講都有跟小朋友討論食素：「佢哋飲食都好平衡。（咁咪冇食過愛心牛扒？）冇呀，但食素都已經好有愛心，身邊朋友同我慶祝生日都係去素食餐廳，都好有愛。」
當時爆肺入院
（on.cc）
