97年港姐真係好鬼勁，首先當然係大家都好熟悉嘅佘詩曼啦，雖然仍是單身，不過身家豐厚，早年開始投資磚頭的她，現擁有過億物業，近年返內地發展亦有很好成績，大把錢途。
至於冠軍翁嘉穗，跟鄔友正99年結婚，婚後育有兩子，大仔Jason去年破香港舉重紀錄，成為香港健力錦標賽冠軍，坦言老公成熟有安全感。
任葆琳當年入圍前五強，卻入不到三甲。去年成功於南區香港仔當選區議員，成為首位選美出身的區議員。
你覺得上面前港姐已經夠勁？未算呀！原來佢先係！
97年港姐亞軍李明慧，03年跟已故教育家陳樹渠二仔陳燿陽於美國秘密結婚，二人早年在當地生活，近年就帶一對龍鳳胎回流香港。
97年港姐三甲，李明慧（中）拎到亞軍，翁嘉穗（左）冠軍，而佘詩曼就係季軍。
夫家有百億資產，李明慧專心做闊太，41歲仍冇乜走樣，同老公亦好恩愛，標準幸福少奶。
早前兩夫婦在銅鑼灣拍拖行街，雞啄唔斷，日對夜對十五年仍然好好傾。老公更玩突擊，失驚無神咀咗李明慧一啖。偷吻老婆時，他情不自禁冧笑，你話他多錫老婆呢！
之後就陪李明慧去買衫，慢慢等老婆揀，非常有耐性，她真是嫁到好老公。
李明慧同老公相當恩愛！（資料圖片）
當年李明慧當選未幾即宣布同港姐贊助商鄔友正結婚，不過臨門一腳撻Q，原來當年鄔友正同冠軍翁嘉穗正在發展中，兩年後，兩人更結埋婚。不過連輸兩場的李明慧，在03年亦覓得好老公，嫁百億家族陳樹渠後人陳耀陽，婚後移居美國生活，仲要生咗一對龍鳯胎，有老公錫，又有聽話仔女，李明慧可謂輸前贏後，成人生下半場大贏家。
李明慧（資料圖片）
（Apple Daily）
