日前分別喺facebook同instagram宣佈跟「翻版吳千語」陳嘉莉（Kelly）嘅兩年情玩完後，被爆出疑衰花弗一腳踏三船，有傳阿聲瞞着正印同松岡李那拍電影《作家的謊言》戲假情真，同時又暗撻34C「籃球界女神」方詠琳。憑網劇《反黑》上位嘅張建聲分手後首現身嘅阿聲到鴨脷洲拍網劇《向西聞記－咖哩雞》，不停唱好自己冇出軌，強調分手不涉第三者。
農曆年張建聲同Kelly仲係好sweet咁現身。（資料圖片）
陳嘉莉（Kelly）
問到o依家嘅感情狀況？阿聲越講越扯火：「自己未公開同大家交代過，其實我同Kelly嘅兩年情，感情有開心有唔開心，係一個經歷，其實都出咗聲明，講咗唔係有第三者，失實報道太多，其實識我嘅人都知道我張建聲只係鍾意拍戲，o依家轉移視線到我好似花心蘿蔔咁，同埋嗰啲黑材料，做乜嘢啫？一pair小情侶分手，搞到好似好大件事咁。」
張建聲
對於被爆傳出四角戀，阿聲振振有辭話：「唉！我最驚累到人，你講松岡同琳琳，松岡更加冇可能啦，我又唔識日文，而琳琳我係由細識到佢大，又話我哋去峇里，又話我哋去睇周杰倫演唱會，如果我真係同佢有嘢，我就唔po (post)啦，我好珍惜嗰個時刻，所以po (post)下，我明人唔做暗事，但好多事實被扭曲咗。」問到o依家係咪單身？佢強調：「我o依家係單身，但另一方面都開心，睇到好多網民留言支持我，有啲仲同我講，唔理仆街又好乜都好，總之我做嘅作品娛樂到佢就好。」
松岡李那
琳琳
（Apple Daily）
