麥明詩（Louisa）同林作前年9月爆分手，但經常被質疑「掟煲唔掟蓋」。
麥明詩當選港姐前已經同林作拍拖。
麥明詩曾經喺《後生仔傾吓偈》節目內，被逼向三位男士發出「你覺得我哋之間係咪得純友誼？」短訊，麥明詩揀咗緋聞男友、劍橋書友仔兼藥房太子爺Thomas Chong、吳業坤同楊潮凱，當時馮盈盈叫麥明詩send畀舊愛林作，但麥明詩點都唔肯，更令人覺得佢哋有啲嘢，疑似復合咁，場面搞到超尷尬!
麥明詩被逼供，但點都唔肯傳短訊畀林作。(無綫電視截圖)
唔通馮盈盈其實都知道麥明詩林作復合緊？ (無綫電視截圖)
林作同麥明詩曾被影到拍住拖去嘉年華。 (資料圖片：蘋果日報)
麥明詩曾與劍橋書友仔兼藥房太子爺Thomas Chong傳緋聞。(網絡圖片)
日前，《蘋果》讀者梁太表示傍晚6點15分喺金鐘一間西餐廳遇見麥明詩同林作，梁太話：「嗰段時間唔係太多人，見佢哋坐咗喺室外，林作睇書，麥明詩就食飯，冇乜交談。」梁太話林作全程好專心睇書，反而戴住帽嘅麥明詩警覺性好高，一邊食一邊四處張望。大約6點半，兩人前後腳離開，林作畀錢埋單後走先，麥明詩繼續坐喺度講咗十分鐘電話，之後獨自離開。
林作睇書，麥明詩就不停食。 (圖片由讀者梁太提供)
兩人鮮有交談，但默契十足，林作埋單後，前後腳離開。 (圖片由讀者梁太提供)
《蘋果》致電林作，問係咪同麥明詩復合？林作帶記者遊花園話：「我經過網上微服出巡，多次同網友交流後得知，根本冇任何嘅網民係有興趣知道關於我嘅嘢，所以我唔希望將自己睇成係啲乜嘢人物，所以呢啲冇咩好回應，冇人想知就唔好當係咩一回事，由佢。」林作繼續踩低自己話：「我都知好多網民好煩、好厭，對呢啲冇任何新聞價值，沒完沒了嘅嘢，所以我為佢哋服務，都係唔作任何事端出嚟。」而麥明詩回覆話：「朋友食個tea啫。」
林作媽媽曾公開鬧仔，叫佢對麥明詩好啲。 (資料圖片：蘋果日報)
(Apple Daily)
