藝人蕭正楠（阿蕭）、林盛斌（Bob）到馬鞍山出席節目《美女廚房》美女學徒招募活動，身為主持的二人透露將為節目招募女廚神與女助手，問到招募條件？阿蕭笑言：「最緊要眼耳口鼻齊！」Bob則說：「我就睇埋個身，即係手手腳腳都齊！最緊要係識煮嘢食，今次都招募埋素人同Model，希望啲嘢食係好味嘅，陳瀅都有自薦，希望有多啲新一代靚女上節目。」
搵翠如上節目
問到地獄廚神較有節目效果？Bob笑言在所難免：「相信都會有，希望睇落係美艷高貴嘅！」問有否叫身邊人參加？阿蕭笑言：「好似現場20、30位都係阿Bob Call嚟！（叫女友黃翠如上節目平反？）有機會畀佢顯露吓身手，佢依家好好多喇，希望上到嚟阿Bob好關照呀！」
囡囡喺屋企冇人睇
阿Bob透露8個月大細仔再發高燒入院，高燒至40度令人擔心：「咁啱太太同小助理唔喺屋企，所以我啲工作都要改期，我都係剛剛從醫院過嚟，囡囡喺屋企冇人睇，我又要屋企同醫院兩邊走，下星期太太返嚟會好啲。（囝囝咩情況？）應該係喉嚨發炎，Check咗小便冇問題。」
(on.cc東網)
