97年港姐冠軍翁嘉穗嫁畀七海化工集團老闆鄔友正之後，先後生咗兩個囝囝，大仔Jason(鄔謨雲)17歲，細仔Kasper今年就兩歲，一家四口生活幸福美滿。
最近翁嘉穗呢個幸福少奶奶開心事一件接一件，事關佢喺東華三院主席王賢誌邀請下，加入咗東華做總理，近日翁嘉穗好積極咁參與東華多個慈善活動，而日前佢舉重成績相當傑出嘅大仔Jason，又再次破咗香港紀錄，真係可喜可賀。
翁嘉穗日前喺微博上載Jason比賽時嘅片段，留言話:「最令我驕傲及高興的，就是小兒謨雲於昨日的第六十一屆體育節、香港健力錦標賽再次刷新三項香港健力紀錄，打破了去年他創下的香港紀錄！新紀錄為：蹲舉220kg、硬舉225kg及總成績550kg! 」
翁嘉穗大仔咁叻仔，佢同老公當然感到好欣慰啦。
(蘋果日報)
