陳凱琳今日喺銅鑼灣出席一個宣傳澳門活動嘅啟動禮，佢話因為五舅父同舅母都喺澳門住，加上五舅母剛剛生咗孖仔，所以佢呢排成日去澳門同BB玩。
提起BB，陳凱琳稱好鍾意小朋友，佢自己都係孖胎，問佢會唔會有家族遺傳，將來都係生孖胎？陳凱琳諗咗一諗：「其實生孖都好，孖仔、孖女或龍鳳都得，不過我又聽過係隔代遺傳。」
陳凱琳又話同男友鄭嘉穎都有共識，大家都鍾意小朋友，佢續言：「佢仲助養咗10個小朋友，我自己就未，不過都計劃會助養。」
咁自己想生幾多個小朋友？陳凱琳坦言：「3個，因為我自己都係3個(家中3姊弟)，感覺好似個完整家庭咁，坐架5人車啱啱好。」記者笑謂o依家有7人車，陳凱琳佢即鬼馬回應：「有24座添呀!」
(蘋果日報)
