「我都孕期尾聲，隨時生得，成日會有抽筋情況，BB喺肚裏邊活潑唔停咁郁，我先生100分，佢會體諒同照顧我。」陀B前期同後期都孕吐，所以冇乜胃口，佢體重只重咗唔夠20磅，佢話：「BB嘅size中等偏細，我都冇乜肥到，以前我未有時，仲擔心有咗會重50磅。」
由o靚模轉行做空姐、現年29歲嘅「E Cup Baby」劉欣宜，去年跟為音樂人老公陳子敏造人成功，已知腹中塊肉係BB女，預產期是下月初，劉欣宜肚大如蘿，隨時生得，首次做媽咪嘅佢進入倒數狀態，心情當然緊張。
劉欣宜就話頭一胎打算自然分娩，因為佢想親自體驗生BB嘅感覺，笑言已準備好「走佬袋」，隨時入院「卸貨」。為咗紀念呢個重要時刻，劉欣宜趁分娩前就孖老公去影大肚寫真。擁有34E咪咪嘅劉欣宜陀B後谷奶當然會升cup啦，但佢就反而想突顯巨肚，所以佢着咗黑色bra top，巨肚上寫上「Loading…..95%」，非常搞笑，正好表達佢此刻待產心情。
劉欣宜今日接受《蘋果》訪問時話：「我都孕期尾聲，隨時生得，成日會有抽筋情況，BB喺肚裏邊活潑唔停咁郁，我先生100分，佢會體諒同照顧我。」劉欣宜話陀B前期同後期都孕吐，所以冇乜胃口，佢體重只重咗唔夠20磅，佢話：「BB嘅size中等偏細，我都冇乜肥到，以前我未有時，仲擔心有咗會重50磅。」劉欣宜話同老公專登影呢輯相留念，佢話：「影相對我嚟講冇壓力，但我先生就唔係好慣，唔夠自然，我要不停諗嘢引佢笑，等佢表現自然啲。呢輯相影咗約兩小時，因為我肚好大，好易攰，影吓又要坐吓。」
(蘋果日報)
