下個月就舉行紅館演唱會嘅梁詠琪(GiGi)，喺今集《動識時尚》直播時，主持馬天佑同GiGi，當然要同大家講吓護膚秘訣同扮靚心得，GiGi當然早有準備，而且佢介紹嘅美容品仲好特別，全部都係食落口。
GiGi就話平時其實係媽咪整俾佢食，當中包括有海珊瑚、桃膠、雪燕、雪蓮子、黃耳、海茸、無花果、黑豆、杞子同南棗。GiGi仲拋書包話：「一日吃三棗，終生不顯老。」
最後，馬天佑佢叫GiGi試吓幫佢化妝，GiGi見到馬天佑化妝品好齊全都好驚訝，之後佢就發揮繪畫天份，用眼線筆喺馬天佑塊臉寫上演唱會嘅字樣㖭！
(蘋果日報)
