大台藝人上月喺社交網自爆自己已經榮升做咗爸爸，當時見佢抱住小公主，個樣sweet到爆，今日囡囡已經一個月大喇！
呢位新手爸爸就貼咗一張囡囡影嘅沙龍照，見到B女瞓喺一堆薄紗上面，頭頂戴住一頂小皇冠，尤如睡公主般可愛，而這張相原來係楊潮凱親自操刀影嘅！
佢留言話：「彌月之寫真，我的小天使，恭喜您(你)滿月喇！您(你)要健康快樂啊！爸B 咩都唔識，淨係識影下相，希望您(你)大個睇返(番)呢輯想會喜歡啦！#好性感##彌月之禮##其實影BB真係好難##Catharine#」。
最後嘅hashtag係Catharine，相信楊潮凱已為寶貝女改咗英文名做Catharine，呢個英文名有神聖同純潔嘅意思，相信楊潮凱希望囡囡擁有一顆純潔的心，開開心心咁生活。
楊潮凱其實都真係好唔話得，好多新手爸媽，都愛為初生嘅小寶貝影寫真，好似上星期李漫芬就係囡囡出世12日幫佢寫真，有網民見到楊潮凱幫囡囡影嘅寫真，都大讚佢影得好靚。
(蘋果日報)
